Si Bea Alonzo diumano ang napupusuan ng isang independent produser para gumanap sa papel ng birhen sa pinaplanong project ng Cine Suerte Films, Ang Birhen ng Manoag. May ginawa na ring ganitong pelikula and prodyuser ng said outfit na si Ben Yalung tungkol din sa isang birhen at ang napili nilang gumanap noon ay si Donita Rose.
Ayon pa sa aming source, gandang-ganda sila sa pisikal na anyo ni Bea na mala-birhen naman talaga. Nasubaybayan din nila ang dalagang mase-17 pa lang at impressed sila sa dedication nito sa trabaho.
Kaya lang, may problemang kakaharapin kay Bea sakaling ituloy ng Cine Suerte ang plano dahil may teleserye pa ito at balitang after ng movie nila ngayong Now That I Have You ni John Lloyd ay magkakaroon agad ng isang bonggang follow-up na kanilang mainit na tambalan. Strike while the iron is hot, ika nga!
Source: Bulgar, August 13 2004
Article by: Ador Me! Ni Ador V. Saluta
Submitted by: Emilie
Copyright © 2003-2004 -- Beautiful. All rights reserved. Hosted by Diaryland.com.
