NA-SHOCK si Bea Alonzo sa mga naglalabasang balita na naghahanda na siya para sa isang sexy movie na gagawin niya under Star Cinema.
Wala raw itong katotohanan. Ni sa imahinasyon ay hindi rin daw niya inisip na mag-bold sa pelikula. Tatanggap lang daw siya ng mas mature na role pero hindi niya kayang mag-bare ng flesh sa screen.
Maging si John Lloyd ay na-shock sa balitang ito. Kaagad niyang kinausap si Bea para itanong kung totoo ang tsismis. Nagwika pa ito na kung saka-sakali mang may plano ngang magpa-sexy si Bea ay hindi niya ito papayagan.
Samantala, magkasama ang dalawa sa pelikulang Now That I Have You ng Star Cinema na ipalalabas na sa Aug. 11 (Miyerkules). Muling masusubukan ang lakas ng dalawa sa takilya sa se-cond team up nila.
Si Laurenti Dyogi na direktor din ng blockbuster na All My Life starring Aga Muhlach at Kristine Hermosa ang direktor ng Now That I Have You.
Source: Taliba, August 9 2004
Article by: FOOTLOOSE ni Leo M. Bukas
Copyright © 2003-2004 -- Beautiful. All rights reserved. Hosted by Diaryland.com.
